મમ્મી નો અવાજ આવ્યો
"લોપા બેટા જલ્દી તૈયાર થજે મારી દિકરી, મુદિતને એના પરિવારવાળા આવતા જ હશે. મીતાભાભી આ માંગુ લાવ્યા છે ભગવાન કરેને બધું સમુસુતરુ પાર ઉતરે, થોડી શાંતિ થી વાત કરજે હો બેટા..."
સુંદર બાંધણીમા સજજ લોપા મમ્મી પાસે આવીને બોલી "મમ્મી તમે ચિંતા ના કરો ભગવાને ધાર્યુ હશે તે થશે."

ડોરબેલ વાગી ઉર્મિલાબેન અને  રમેશભાઇએ આવનારા મહેમાનોનું સ્વાગત કર્યુ, લોપા ચાની ટ્રે લઈને આવી થોડી ઔપચારિક વાતો થઈને લોપા મુદિતને વાતચીત માટે બાજુના રુમમા મોકલ્યા. લોપા તો મુદિતને જોતી જ રહી મુદિત એને ગમી ગયો, મુદિતની હા હતી માત્ર એક વાત હતી જે એણે લોપાને કરી...એ કયારેય બાળક નથી ઇચ્છતો, લોપાને મુદિત ગમતો હતો એટલે હા કહી દીધી. બન્ને પરિવારોની સહસંમતીથી ઘડીયા લગ્ન લેવાયા, થોડા દિવસ પરિવાર સાથે રહી બન્ને કેરલા ફરવા ગયાને ત્યાંથી આવી અમદાવાદ આવ્યા બન્ને પરિવારથી દુર. બન્ને ખુબ પ્રેમથી રહે પોતપોતાની નોકરીમા વ્યસ્ત વારતહેવારમા ઘરે જઈ આવે.


આમ ને આમ ત્રણ વર્ષ નીકળી ગયા લોપાએ મુદિતને સંતાન માટે સમજાવવા પ્રયત્ન કર્યો પણ હંમેશા ની જેમ ના ના ને ના, સમાજ બધે સરખો બાળક ના થાય તો સ્ત્રીઓને જ મેણાટોણા મારે, દોષનો ટોપલો સ્ત્રીના શીરે જ ઢોળાય....
શું કરે લોપા? પતિ ખુબ પ્રેમાળ લાગણીશીલ પણ જિદ્દી બધી વાત માને પણ બાળક માટે ના ના.


જોતજોતામા સાત વર્ષ નીકળી ગયા, બધા મિત્રો સંતાનોવાળા થયા, બધાને જોઈ હવે લોપાનું મન અશાંત થઈ જતું હવે તેણે નોકરી છોડી દીધી હતી. સોફટ ટોયઝ બનાવતા શીખી નાના મોટા ટોયઝ બનાવેને મિત્રોના સંતાનોને ભેટ આપેને બાળકોની ખુશી જોઇ ખુશ થાય.
ખુબ પ્રયત્નો કર્યા છતાં મુદિતને મનાવવામા અસફળ રહી. લોપા બાળક માટે ઝંખના કરવા લાગી પણ પતિ સમજવા તૈયાર નથી, ઘણું પૂછ્યું મુદિત કોઇ કારણ જણાવતો નથી, બાળક દત્તક લેવા વાત કરી ત્યારે ખુબ ઝઘડો થયો વાત છુટાછેડા સુધી પહોંચી વડીલોની સમજાવટ બાદ મામલો થાળે પાડયો, લોપામા રહેલી સ્ત્રી તડપીને રહી ગઈ.
ચાર બેડરૂમવાળા મોટા ટેનામેન્ટમા રહે માત્ર લોપા અને મુદિત. દુઃખી રહેવાને બદલે ખુશી શોધવાનું શીખી લીધુ. બે બેડરૂમને બહારગામ થી અમદાવાદ મા અભ્યાસ માટે આવનારી છોકરીઓને ભાડા પર આપી પી.જી. હાઉસ ચાલુ કર્યું. છ છોકરીઓ રહે આખો દિવસ ઘરમા કલબલાટ રહેવા લાગ્યો. લોપાઆંટી મને રીંગણ ના ભાવે, લોપાઆંટી હું બધા માટે કેક બનાવું? લોપાઆંટી આ વીકએન્ડમા મુવી જોવા લઇ જશો?
લોપાઆંટી પોતાનામા રહેલું માતૃત્વ બધી છોકરીઓ પર ઓળઘોળ કરતી, લાડ લડાવતી સમજાવતી જરૂર પડ્યે ખીજાતી અને છોકરીઓમા પોતાનું મન પરોવતી. પી.જી.ની છોકરીઓ બદલાતી રહે પણ લોપાઆંટી તો એના એ જ બધાને વ્હાલ કરે. મુદિતની ના પાછળનું કારણ અકબંધ છે, પણ હવે લોપાઆંટીની એટલી બધી દિકરીઓછે કે એકલું લાગતું નથી.
હવે તો લોપા અને મુદિત વચ્ચે બાળક માટેની ચર્ચા થતી જ નથી. બન્ને પોતપોતાનામા મસ્ત રહે છે, સુખેથી જીવન પસાર કરે છે.
લોપાઆંટી મુદિતઅંકલની પચ્ચીસમી એનિવર્સરી પર પી.જી.ની બધી છોકરીઓએ સાથે મળીને સરપ્રાઇઝ પાર્ટી આયોજિત કરી...લોપાઆંટીની આંખમા હરખના આંસુ આવ્યા એ માત્ર એટલું જ બોલી. આ જોવો મુદિત મારી કેટલી બધી દિકરીઓ છે જે મને ખુબ પ્રેમ કરે છે.........

gujarati@pratilipi.com
080 41710149
સોશિયલ મિડિયા પર અમને ફોલો કરો
     

અમારા વિશે
અમારી સાથે કામ કરો
ગોપનીયતા નીતિ
સેવાની શરતો
© 2017 Nasadiya Tech. Pvt. Ltd.