એ પળ......

કેટકેટલી તૈયારી

કંકોત્રી, વાડી, આમંત્રિતોનું લિસ્ટ

પાનેતર,ઘરચોળું,દાગીના, કપડાં

આખરે આવ્યો એ દિવસ

મંડપમુહૂર્ત, ગ્રહશાંતિ, મોસાળું હસ્તમેળાપ,

સત્કારસમારંભ

અને એ પળ.......

કેટકેટલું વિચાર્યું હતું

મનને કઠણ કરવાનું

આપીશ હસીને વિદાય

ત્યાં તો આવી એ ધીમે પગલે

'મમ્મી' કહેતી વળગી મને

એ જ વહાલ, માસૂમિયત

આવતી નિશાળેથી દોડીને

'મમ્મી' કહીને વળગતી મને

શું કરું બેટા!

ક્યાંથી લાવું એ બળ

કેમ કરું તને હું અળગી

ત્યાં તો સ્પર્શ્યો મારા શિરે

એક કંપિત પ્રેમાળ હાથ

એ જ વહાલ, હૂંફ ભર્યો

જોયું ફરીને માની આંખમાં

ત્રીસ વર્ષ પહેલાનું થીજેલું આંસુ

સમજાયું સત્ય જીવનનું

મળ્યું બળ દીકરીને સાસરે વળાવવાનું !

gujarati@pratilipi.com
080 41710149
સોશિયલ મિડિયા પર અમને ફોલો કરો
     

અમારા વિશે
અમારી સાથે કામ કરો
ગોપનીયતા નીતિ
સેવાની શરતો
© 2017 Nasadiya Tech. Pvt. Ltd.